500 ОЮУТНЫГ ХАМРУУЛСАН “ЭНТРЕПРЕНЕР СОЁЛ БА ГАРААНЫ БИЗНЕС” СУРГАЛТ ЭХЭЛЛЭЭ

Монгол улсын Засгийн газраас 2016 оны 12 дугаар сарын 7-ны өдөр баталсан “Орлоготой оюутан” үндэсний хөтөлбөрийг хэрэгжүүлэх үйл ажиллагааны хүрээнд их, дээд сургуулийн оюутнуудад гарааны бизнесийн үндсэн ойлголт, мэдлэгийг олгох зорилгоор “Энтрепренер соёл ба гарааны бизнес” сургалтыг улсын хэмжээнд нийт 500 оюутанд явуулах гэж байна.  Тус сургалтаар оюутнууд энтрепренершипийн хөгжил улс орны хөгжилд үзүүлж буй нөлөө, түүний хүчин зүйлс ба ач холбогдлын талаар болон бизнес санаагаа оновчтой танилцуулах, багаа зөв бүрдүүлэх, зорилтот зах зээл болон хэрэглэгчээ зөв сонгох, туршилтын бүтээгдэхүүн гаргах, бүтээгдэхүүн хөгжүүлэлтийн төлөвлөгөө боловсруулах, зохих туршилтуудыг явуулах, бизнес төлөвлөгөөгөө тогтсон стандартын дагуу бичих зэрэг үндсэн мэдлэгүүдийг эзэмших болно.  Сургалтыг Азийн хөгжлийн банкны санхүүжилтээр хэрэгжиж буй “Дээд боловсролын шинэчлэлийн төсөл”-ийн хүрээнд “Старт” ХХК-тай хамтран 2019 оны 4 дүгээр сарын 15-наас 5 дугаар сарын 15-ны хооронд АШУҮИС, МУИС, МУБИС, ХААИС, ШУТИС дээр 4 үе шаттайгаар төрийн өмчийн 5, төрийн бус өмчийн 15 их, дээд сургуулийн нийт 500 оюутанд зориулж зохион байгуулна.  Сургалтын хөтөлбөр болон хуваарийг Дээд боловсролын шинэчлэлийн төслийн Facebook дахь хуудаснаас авна уу: https://www.facebook.com/herp.mn/

Сургалт зохион байгуулах байгууллагын товч танилцуулга: СТАРТ компани нь 2011 оны 5-р сард Монгол улсын гарааны бизнесийн экосистемийг дэмжих зорилгоор үүсгэн байгуулагдсан. Байгуулагдсан цагаасаа хойш төрөл бүрийн арга хэмжээ, хөтөлбөр, сургалтаараа дамжуулан гарааны бизнесийн экосистемийн оролцогчдыг дэмжин ажиллаж байна. Компаний явуулдаг арга хэмжээнүүдийн нэг болох Startup Weekend нь Techstars компанийн загвар бөгөөд ур арга хэмжээ нь олон тооны сургалт, хурдасгуур хөтөлбөр зэргийг багтаадаг 70 гаруй удаагийн Startup Weekend арга хэмжээний хүрээнд компани нь 20 мянган гарааны бизнес эрхлэгч, 4 томоохон хэмжээний төсөл, 5 гаруй олон улсын арга хэмжээ, 400 гаруй төслийг дэмжижээ. Түүнчлэн Startup Weekend арга хэмжээнээс төрсөн 400 гаруй гарааны бизнесүүд өнөөдрийг хүртэл үйл ажиллагаагаа тогтвортой явуулж байгаа юм байна.


.